CAGAYAN DE ORO CITY – Gi-silbi na sa NBI-10 kuyog ang PNP ug Security and Exchange Commission (SEC-10) ang search warrant batok KAPA-Community Ministry International, Inc. diin ilang opisina nahimutang sa Zone-5 Brgy. Igpit, Opol Misamis Oriental.
Walay trabahante sa KAPA ang nasapon sa mga otoridad apan nga caretaker lang sa ilang opisina.
Nagtoo ang mga otoridad nga tungod sa bahad ni Presidente Rodrigo Duterte sa maong grupo, paspas nga gi-abandonar sa mga sakop ni KAPA founder Pastor Joel Apolinar ang maong lugar.
Una niini, gironda usab sa NBI ang KAPA office sa Valencia City, Bukidnon karong hapon.
