CAGAYAN DE ORO CITY – Patay ang usa backride sa motor human malatayan sa prime mover truck sa Balingoan, Misamis Oriental.
Giila ni Patrolman Carl Arado Reyes, imbestigador sa Balingoan Municipal Police Station ang namatay nga si Reggie Pabila Saraos samtang samaron ang iyang bana, kinsa driver sa motor nga si Arbee Julian Saraos, 35 anyos, pulos residente sa Sitio Parola, Brgy Macabalan ning syudad.
Namugos ang driver sa prime mover nga si Marvin Seith, 38 anyos nga taga Tubod, Lanao del Norte nga nangawat sa linya ang magti-ayon ug kalit nga nag-overtake sa dakong sakyanan.
Human mag-overtake, napadulong ang magtiayon sa usa ka under construction site hinungdan nga na-itsa ang babaye sa motor ug napadulong sa lane nga gi-agian sa prime mover.
