CAGAYAN DE ORO CITY – Pagkadugta sa prisohan ang ma-abtan sa duha ka bigtime drug supplier nga nadakpan sa Philippine Drug Enforcement Agency – PDEA – Lanao del Norte sa lungsod sa Alubijid, Misamis Oriental, kagabie.
Giila ni PDEA Agent Niel Pabellona ang mga suspek nga sila Isaac Codilla, usa ka kristiano, ug si Abeth Samoa, usa ka Muslim, pulos hingkod ang edad ug mga residente sa San Roque Iligan City ug Pantar Lanao del Norte.
Napalitan ug nakuha sa posisyon sa mga suspek ang 200 gramos nga shabu nga may street value nga dul-an P1.4-Million.
Mi-angkon si Pabellona nga pulos mga tig-a ug idlas nga klase sa mga supplier ang duruha kay naabtan pa silag gabie sa pakig-transak sa mga suspek.
Mi-angkon ang PDEA nga kini nga mga druga gilauman kini nga i-transport sa duruha sa lungsod sa Cagayan de Oro.
