Walay grupo ang nagkuhag permiso sa City Mayors Office aron mulusad sa lihok protesta, ning adlawa.
Kini ang gitin-aw sa Cagayan de Oro City Police Office human nagsilbing dakung hulga sa seguridad sa syudad ang ilegal nga klase sa panagtapok.
Gitin-aw ni COCPO Spokesperson Police Captain Emelita Simon nga katungod sa katawhan ang magrally apan, adunay balaod nga kinahanglan sundon sa mga mulusad sa protesta aron mamintinar ang kahusay ug kalinaw sa syudad.
Hisayran nga ang Black protest rally sa kauluhan, nagpanawagan sa tanan kabatan-unan nga mulambigit aron mapalanog ang ilang panawagan sa hustisya sa pagkawkaw sa salapi sa mga magbubuwis nga gipamulsa lang sa pipila ka senador, kongresista ug trabahante sa Department of Public Works and Highways (DPWH) gumikan sa anomaloso, kalag ug palpak nga mga flood control projects sa Pilipinas
