Nakakita si Atty. Rhobert Maestre, Board of Director sa IBP Misamis Oriental Chapter, og mga indikasyon nga adunay pagka pro‑Marcos ang giingong alleged expose sa social media platform nga Peanut Gallery Media Network nga nagpunting kang former Speaker Martin Romualdez kabahin sa kontrobersyal nga flood control scandal.
Sa iyang interbyu sa Bombo Radyo, miingon siya nga posibleng giilikay o wala tuyoa nga madawit direkta o dili direkta si Presidente Ferdinand Marcos Jr., bisan pa nga ang ehekutibo usab maoy nagpatuman sa mga budget nga gihisgutan sa video.
Gitataw usab ni Maestre nga ang producer ug tag‑iya sa maong media platform adunay kaniadto koneksyon isip media consultant ug stylist sa presidente, maong posible nga adunay gihuptan kini nga relasyon nga gusto nilang mapreserbar.
Gawas niini, gilaraw niya nga mas nasentro ang presentasyon batok kang Romualdez pinaagi sa paghisgot sa budget allocations ug mga proseso sa Kongreso, apan wala’y bag‑ong konkretong ebidensya nga gipagawas
