Nothing much ug for education purposes only ang pagtan‑aw ni Atty. Rhobert Maestre, Board of Director sa IBP Misamis Oriental Chapter, sa giingong alleged expose sa social media platform nga Peanut Gallery Media Network nga nagpunting kang former Speaker Martin Romualdez kabahin sa kontrobersyal nga flood control project scandal.
Matod niya, ang sulod sa halos 90 minutos nga video mas nakita niyang pag‑summarize lamang sa mga impormasyon nga dugay nang nadungog ug nabalita sa lokal ug national media.
Gitataw usab niya nga wala siyay nakitang bag‑ong pasabog o klarong ebidensya nga direktang naglambigit kang Romualdez ug ubang personalidad sa giingong anomalya.
Gawas niini, gilaraw ni Maestre nga ang video adunay mga tables, graph ug presentasyon nga mas nagtumong lamang sa pagpasabot kon giunsa paglihok ang budget process ug flood control allocations sa Kongreso.
Busa alang kaniya, kadaghanan sa mga alegasyon nga gihisgutan sa maong video dugay na usab nga nailhan sa publiko ug nahimong sentro sa nagkalain‑laing report sa media.
