Ang katalagman na ang nagbutyag kung unsa ang nawong ug epekto sa kurapsyon sa Pilipinas.
Reaksiyon kini sa katekista nga si Brother Wilson Amad, human daghang mga bag-ong istraktura ang nahugno, timaan nga huyang kini ug posibleng gipang kurakot.
Miingon si Amad nga dili lang mga substandard nga proyekto ang nabulgar sa nahitabong linog, ug baha sa Cebu ug Davao, apan lakip usab niini ang daghang mga building ug residential houses nga wala matod pa makakuha sa permit sa pagtukod.
Gihangyo karon ni Amad ang mga opisyal sa Office of Building nga balikan sa pag inspeksyon ang daghan pang mga konstruksyon, sama sa buildings, o housing units, aron masiguro ang kaluwasan sa katawhan.
