CAGAYAN DE ORO CITY – Gipangita pa sa kapolisan ang gitoohang mga responsable pagtigbas-patay sa 45 anyos nga flower vendor nga taga-lungsod sa Opol,Misamis Oriental.
Kini human unang nakit-an na lang ang biktima nga si George Calderon nga wala na’y kinabuhi sa higala niini sa gihigdaan niya nga porsyon sa balay sa Sitio Buara,Brgy Bayabas ning syudad sa miaging gabii.
Saysay sa higala nga si Sonny Lirasan gikan sila nag-vigil,nag-inom ug nagdula’g braha apan may gika-bikil ang biktima sa maong higayon.
Wala magdahom si Lirasan nga sa iyang paggawas sa balay,misugat kaniya ang nagbuy-od nang lawas sa biktima sa gikatulgang bangko ug nagbaton na sa mga samad tinigbasan hinungdan sa kamatayon niini.
