CAGAYAN DE ORO CITY-Detinado na sa city jail human kasuhi sa giingong pagbaligya’g gidiling droga ang nagpaila nga anchorman sa Radyo Bandera Philippines-Maria Radio FM ning syudad.
Kini human nadakpan sa buy bust operation ang suspek nga si Lodymer Jagos sa Brgy Carmen sa dakbayan.
Miingon si Cagayan de Oro City Police Office spokesperson Supt Mardi Hortillosa nga hayan makig-atubang sa media si Lumbia Police Station commander C/Insp Rey Taboclaon aron ipasabot kon nganong gi-limitahan ang impormasyon kabahin sa pagkasikop ni Jagos sa miaging Marso ning tuiga.
Una niini,nakurat si Archdiocese of Cagayan de Oro Social Communication Director Msgr Elmer Abacahin sa hitabo ilabina nga wala moagi sa approval sa incorporators ang pagsilbing anchorman ni Jagos sa maong FM station.
Una nang gihimakak ni Jagos nga nagbaligya kini’g shabu dihang siya nasikop pinaagi sa buy bust operation.
