CAGAYAN DE ORO CITY-Nasikop sa anti-illegal drugs buy bust operation ang anchorman sa FM station ning syudad kagabii.
Giila ni SPO4 Pedrito Galpo sa Lumbia Police Station ang suspek nga si Lodymer Jagos,hingkod ang panuigon ug anchorman sa 103.9 Radyo Bandera Philippines-Marian Radio nga nagpuyo sa Brgy Tagpangi ning syudad.
Nasikop si Jagos tungod sa pagbaton sa balor 3-mil pesos nga suspected shabu nga nagtimbang sa 50 gramos atol sa operasyon sa Brgy Carmen ning syudad.
Miingon si Galpo nga taud-taod nang gi-monitor sa kapolisan ang mga kalihukan ni Jagos kinsa nagsilbi usab nga taxi driver ning syudad.
Gihimakak usab ni Jagos ang pasangil sa kapolisan nga nalambigit kini sa pagbaligya’g gidiling droga.
