Mahimong gamiton sa Department of Social Welfare and Development (DSWD) ang ilang pre-positioned food packs aron magsilbing economic relief sa mga jeepney ug bus drivers nga mawad-an og panginabuhian tungod sa grabeng pagsaka sa presyo sa lana.
Gibutyag ni DSWD Resource and Logistics Management Head ug Assistant Secretary Leo Quintilla, ang mga “triggers” sa kalamidad sama sa pagmahal sa presyo sa lana mahimong basihanan sa pagpagawas sa ayuda alang sa mga apektadong sektor sa katilingban.
Gitin-aw usab ni Quintilla nga ang Aid to Individuals in Crisis Situation (AICS) program maoy gamiton aron mahatagan og tabang ang mga drayber nga naapektuhan sa maong krisis.
