Gilugwa sa National Bureau of Investigation (NBI) ang video clip diin makita si kanhi Bamban,Tarlac Mayor Alice Guo nga kamulong panaug sa kuwarto sa gisak-ang hotel nga nakabase sa Tangerang City,Indonesia kaganihang kadlawon.
Kini human unang gikompirmar ni NBI Director Jaime Santiago sa interbyu sa Bombo Radyo Philippines nga mismo ang Indonesian police force ang milusob sa lokasyon sa kanhi mayor aron ipaubos sa kustodiya.
Siya miingon nga kasamtangan nang nakig-koordinar ang magka-alyadong nasud Pilipinas ug Indonesia aron mapadali ang pagpabalik ni Guo nga dunay daghang kasong giatubang ug atubangon tungod sa mga pasangil ilabina sa ilegal operations sa POGO hubs.
Wala pa’y labot niini ang pagpangilad ni Guo nga siya nagpatoo nga dugong Pinay apan nabulgar nga dakong Intsik nga dakong supak sa baaod sa nasud.
Dugtong niini,gilayong gipasabot ni PNP spokesperson Col Jean Fajardo ang pagkadakpi ni Guo didto sa Indonesia.
Kini epekto sa dinaliang panagtagbo sa security sector kabahin sa kalambuan sa mga lakang batok sa kanhi mayor.
