CAGAYAN DE ORO CITY – Napun-an pa ang paghuyang sa kalihukang CPP-NPA nga unang gihulagway sa militar ng utok sa kagubot sa dakong bahin sa rehiyon sa Northern Mindanao partikular sa Bukidnon.
Kini human kompirmaha ni 4th ID spokesperson Maj. Francisco Garello Jr nga napatay sa tropa sa 8th IB,Philippine Army ang commanding officer sa Headquarter Force Neo sa Regional operations command sa North Central Regional Mindanao Committee nga si Christopher Tingcayan alyas ‘Gamot’ sa engkuwentro sa Sitio Lagaslasan,Brgy kulaman,Malaybalay City,Bukidnon ning semana lamang.
Miingon si Garello nga unang nagtaho ang mga sibilyan sa presensiya nila ni Tingcayan hinungdan nga gikasa ang usa ka operasyon diin nag-resulta sa engkuwentro.
Gawas nga namatay si Tingcagayan,nabawi usab sa militar ang unom ka klase-klaseng armas,bomba ug ubang kagamitang paghimo’g bomba.
Dumduman usab nga sa miaging Hulyo ning tuiga,napatay sa 58th IB,Philippine Army ang kalihim -heneral sa North Central Regional Mindanao Committee nga si Dionesio Micabalo sa Gingoog City,Misamis Oriental.
