CAGAYAN DE ORO CITY- Tugtan sa gobyerno ang international media nga makasulod sa ground zero sa ikaduhang tuig nga pagdumdom sa sakripisyo sa katawhan nga nakigbatok sa mga teroristang Maute-ISIS sa Marawi City ugmang adlawa.
Tumong niini nga makita sa tibook kalibutan ang tinood nga sitwasyon sa Marawi City diin nagkinahanglan pa sa dugang tabang ug suporta aron mapadali ang rehabilitasyon.
Sumala ni Marawi City Mayor Majul Gandamra nga anaa sa 40 ka sakop sa international media ang motambong sa himoong kulminasyon diin panguluhan mismo ni Task Force Bangon Marawi o TFBM chairperson Sec Eduardo del Rosario ang maong kalihukan.
Si Gandamra ang mismo mi-depensa sa city hall dihang laraw ilogon sa mga terorista nga magduha ka tuig na ugmang adlawa.
