CAGAYAN DE ORO CITY – Bitbit ang duha ka tag-as nga kalibre sa armas, boluntaryong mitahan sa kasundaluhan ang usa ka rebeldeng NPA nga sakop sa SRC2- North Central Mindanao Regional Committee sa Bukidnon.
Misibat sa iyang grupo si Jimmy Mantikinon alias “Marco”, 18 anyos nga taga Brgy Lorega, Kitaotao, Bukidnon.
Gitahan ni Marco sa 88th Infantry Battalion,Philippine Army sa Sitio Buko, Brgy. Banlag, Valencia City, Bukidnon ang M16 armalite rifle, baby armalite rifle ug handheld radio.
Asoy ni Marco nga miapil siya sa kalihukan sa walhong grupo ug nahimong child warrior sa pangidaron nga 16-anyos.
Giangkon ni Marco nga dismayado kini sa pulos bakak nga saad sa mga komunista kay hangtod karon wala matuman ang gipanulti niini hinungdan nga nakahukom pagsalikway sa kalihukan ug mibalik sa gobierno.
