Gihagit ni kanhi Commission on Elections (COMELEC) Commissioner Atty. Rowena Guanzon ang mga magbabalaod sa kamarabaha nga hulipan sa pagka-presidente si Ferdinand Marcos Jr., human maigo sa diverticulitis o sakit sa tiyan.
Sa eksklusibong interbyu sa BOMBO Radyo, gi-awhag ni Guanzon ang Kongreso nga ipatuman ang “constitutional succession process,” ilabi na kung ma-operahan si Marcos.
Alang sa abogado, kung ma-operahan ang presidente, klaro nga “incapacitated” na kini ug dili na makapadayon sa posisyon, busa angayan nga iproklamar si Bise Presidente Sara Duterte isip temporaryong presidente, ug dili si Executive Secretary Ralph Recto ang mopuli sa iyang papel.
Gipamugos ni Guanzon nga ang Kongreso adunay gahum sa pagproklamar kang VP Sara, apan iyang giangkon nga lisud kini matuman tungod sa daghang kaalyado ni Marcos sa hawanan.
Una niini, si Guanzon usab ang nagpalanog sa iyang mulo nga kinahanglan magpakita si Marcos sa publiko aron pamatud-an nga kini baskog pa nga muserbisyo sa gobyerno.
