Aktibong mipartisipar ang Law Professor nga si Atty Eddie Cuaresma sa public consultation nga gipaluyuhan sa kamarabaha kalabot sa gihingusgan nga ANTI POLITICAL DYNASTY BILL, didto sa University of Science and Technology of the Philipines (USTP).
Nangugat si Cuaresma nga dili lamang pagtuldok sa political dynasties ang angay ipokos sa gobyerno apan lakip usab ang pagrepaso sa giingong na-abuso nga party-list system sa nasud.
Kini ang gihayagan sa kanhi Integrated Bar of the Philippine CDO-MISOR Chapter president, dihang nangunsulta ang mga magbabalaod sa publiko kalabot sa isyu.
Sa katapusan sa iyang pahayag, dakung paghagit ang gibato sa propesor sa mga magbabalaod nga namati kaniya ug siya miingon nga kon tinuod ang tinguha sa reporma sa politika, dili igo ang paghisgot lang sa pagpakgang dinastiya apan ilakip usab ang komprehensibo nga reporma sa sistema ang gikinahanglan aron masiguro nga ang gahum magpabilin sa katawhan ug dili sa pipila lamang ka pamilya o grupo.
