NAGPASIDAAN ang kanhi National Security Adviser ug Secretary of National Defense nga si Norberto Gonzales sa gobyerno sa Pilipinas nga mag-amping sa mga lakang ug pahayag kabahin sa isyu sa West Philippine Sea, bisan pa man sa suporta nga nadawat sa nasud gikan sa international community.Butyag ni Gonzales, bisan lig-on ang baruganan sa Pilipinas sa giilogang teritoryo, dili angay nga mosangpot kini sa racial dispute sulod sa nasud, ilabi na nga daghan matod pa ang mga Chinese nga nagpuyo ug nagtrabaho sa Pilipinas.Matod pa niya, ang dili maampingong mga pahayag ug aksyon mahimong magmugna og tensyon tali sa mga komunidad, nga posibleng moresulta sa kagubot ug dugang pang problema sa nasud. Tungod niini, gihangyo ni Gonzales ang gobyerno nga magpabiling maampingon, responsable, ug malinawon sa pagdumala sa isyu aron mapanalipdan ang kalinaw ug kahusay sa sulod sa nasud samtang ginapanindigan ang soberanya sa Pilipinas. (JAMES OLIVER)
