Gi-kumpirmar sa Department of Justice (DOJ) nga ang reklamong malversation batok kang kanhi Senador Ramon “Bong” Revilla Jr., may kalabotan sa flood control project gikan sa Department of Public Works and Highways.
Segun ni DOJ Spokesperson Atty Polo Martinez “submitted for resolution” na niadtong Enero 12, 2026 ang reklamo batok sa senador ug uban pang nalambigit sa kaso.
Miingon si Martinez nga kini kabahin sa unang batch sa lima ka kaso nga gisumiter sa ahensya, diin tulo pa niini pending pa ang release. Ang reklamo naglakip sa SYMS Construction Trading ug giingon nga adunay anomalya sa proyekto nga nagkantidad sa P92.8 milyon sa Bulacan.
Sa laing bahin, gi-defer usab sa Sandiganbayan ang arraignment ug pre-trial ni Revilla tungod sa iyang motion for reconsideration. Apil sa kaso ang pipila ka opisyal sa DPWH nga giingon nga nakalambigit sa maong flood control project.
Ang DOJ nag-ingon nga ang resolusyon sa kaso anaa pa sa review ug adunay 60 ka adlaw aron hingpit nga mahuman ang proseso. –
