Ipadayon sa bag-ong regional director sa Land Transportation and Franchising Regulatory Board (LTFRB) ang mga programa nga nasugdan ni kanhi LTFRB Region 10 Director Abosamen Matuan.
Namahayag si LTFRB-10 Director Aljo Bendijo nga magpukos kini sa tukmang pag-apud-apud sa subsidiya sa lana, ubos sa fuel subsidy program, kundiin ang pondo, nagsumikad pa gihapon sa General Appropriations Act (GAA) 2025.
Si Bendijo mipasalit nga sa pag-abot sa budget gikan sa central office, ipang-apod-apod dayon ang subsidya sa mga stakeholders sa rehiyon, ilabi na karon nga misaka ang presyo sa kada litro sa lana, ug ang kada barilis nagkantidad na sa $80 sa merkado.
Gidasig ni Bendijo ang publiko nga mag-monitor adlaw-adlaw sa ilang opisyal nga Facebook page aron makuha ang pinakabag-ong updates sa subsidiya sa lana.
Hisayran nga si Bendijo, unang naila isip TV News Anchor, ayha nadistino sa buhatan sa LTFRB.
