CAGAYAN DE ORO CITY – Gikonsidera na sa kapolisan nga ‘case cleared’ ang kasong giimbestigaran nila kabahin sa kamatayon ni 2023 Mr. Cagayan de Oro candidate Adriane Fornillos sa Brgy Nazareth ning syudad sa tuig 2023.
Kini human nahuptan na sa husgado ang lima sa unom ka personalidad nga adunay bug-at nga kalambigitan gidangatan ni Fornillos.
Miingon si Capt Emilita Simon,deputy spokesperson sa COCPO nga dako na ang naabtan sa kaso apan wala pa sila mohunong sa pagpangita sa nabiling usa ka akusado nga may direkta gihapon nga kalabutan sa hitabo.
Una niini,nadakpan ang duha sa gitudlong mipusil kang Fornillos pinasikad sa court arrest warrant dihang natultulan sa COCPO operatives ang lokasyon nila sa Pagadian City sa miaging semana.
Dugtong niini,gikalipay ni City Mayor Klarex Uy ang dugang kalampusan sa kapolisan pagdakop sa duha ka akusado sa pagpatay kang Fornillos.
Miingon ang mayor nga nagpakita kini nga wala hunungi sa gobierno ang pagpangita’g sulbad aron makab-ot ang hustistya sa gidangatan sa biktima.
Siya miingon nga unta mahatagan sa dinalian nga kahupayan ang maong kaso diin naglambigit sa ubay-ubay’ng mga akusado.
Dumduman nga usa sa mga akusado ang kanhi spiritual director sa mayor nga pastor-bishop ka iyang kandidato pagka-konsehal niadtong milabay’ng 2022 elections sa syudad.
