CAGAYAN DE ORO CITY – Mi-apelar si Fr. Chito Suganob sa pag-ampo alang sa kalinaw sa Mindanao. Kini maoy unod sa gipakatag nga mensahe ni Fr. Chito alayon sa pag-abot sa bag-ong tuig nga besperas sa ika-500 ka tuig nga pagsilbing Kristiyanong nasud ang Pilipinas.
Alang sa kura paruko sa Cathedral of Maria Auxiliadora, importante ang preparasyon ning tuiga tungod kay panahon kini aron ipalanog ang mga inter religious peace dialogues aron mulanog ang kalinaw dili lang sa Mindanao apan sa tibook Pilipinas.
Sa pagkakaron, wala una mibalik sa pagselebrar sa mga misa si Suganob sukad nga siya nadayagnos sa post traumatic depression human kini nahimong biktima sa pagpanghostage sa Maute-ISIS Terror Group didto sa Marawi City.
