Bisan pa sa kagustohan sa Francisco Motors nga sa Pilipinas mapatupad ang bagong henerasyon sa jeepney pinaagi sa modernized technology nga dili na maggamit og gasolina, gipangantihan ni Elmer Francisco, tag‑iya sa kompanya, nga mas gipili nalang nilang ipadayun ang maong development sa modern jeepneys sa Amerika.
Kini tungod kay mas gihatagan kini og atensyon ug gitangkilik pa sa langyaw nga nasud ang ilang sugyot nga modernisasyon sa mga jeep sa Pilipinas.
Butyag ni Francisco nga dili na sila mamugos pang ipatuman ang posibleng kalambuan ug solusyon sa paggamit sa nagkamahal nga presyo sa gasolina, tungod kay pila na usab sila ka tuig naghulat nga masuportahan sa taas nga lebel sa gobyerno.
Dugang pa niya, tungod kay nakapokus lamang karon ang Pilipinas sa mga isyu sa korapsyon ug daghan pang problema nga walay kasulbaran, wala silay laing mabuhat kundi maghinaot nga sa sunod nga administrasyon mahatagan na sila sa igong suporta ug mapadayun ang ilang tinguha nga dili na mugamit og de‑gasolinang jeep ang mga Pilipino, kundi de‑kuryente, eco‑friendly ug globally competitive nga transport system.
