CAGAYAN DE ORO CITY-Sugdan na sa Commission on Higher Education o CHED ang pagpatuman sa libreng tuition sa mga tinun-an sa state college ug universities dinhi sa rehiyon.
Kini human gilugwa na sa CHED ang implementing rules and regulations o IRR sa free college tuition education law.
Miingon si John Banaynal, chief education program specialists sa CHED-10 nga kabahin sa masulod sa maong programa ang Central Mindanao University; Bukidnon State University; Camiguin Polythicnic State College; Northwestern Mindnao College of Tangub City; Mindanao State University-IIT sa Iligan City ug USTP ning syudad.
Maka-benepisyo usab niini ang mga tunghaan sa community colleges sa Initao; Opol; Magsaysay; Tagoloan, Pangantucan ug Northern Bukidnon Community College.
