CAGAYAN DE ORO CITY-Pangdakpon na sa dili madugay ang naglangkob sa kontrobersyal nga Freeman Traders Club o FTC nga nalambigit sa online investment gamit ang plotous coins ning syudad.
Kini human ubay-ubay’ng kasong syndicated estafa na ang napasaka sa National Bureau of Investigation o NBI-10 batok sa grupo ni FTC founder Mark Steven Freeman sa piskalya ning syudad.
Miingon si NBI regional director Atty Patricio ”Pipo” Bernales nga anaa pa sa 50 ka investors ni Freeman nga naggikan sa syudad ug gawas sa Northern Mindanao ang midangop sa ilang opisina aron ipaabot usab ang reklamo.
Una nang gikompirmar sa govt regulatory bodies sama sa Security and Exchange Commission;Dept of Trade and Industry,Bangko Sentral ng Pilipinas,Bureau of Internal Revenue ug mismong sa city hall nga walay permit nga naglihok ang FTC ning dakbayan.
