CAGAYAN DE ORO CITY – Dili peligro sa panglawas sa tawo ang 277 kilos nga frozen pork meat nga gikompiskar sa mga otoridad gikan sa pipila ka negosyante nga nakabase sa merkado sa lungsod Maramag,Bukidnon.
Kini bisan kon naggikan sa Pransya ang 13 ka kahon nga gisudlan sa maong mga karne diin silingan ra sa pipila ka European countries nga naigo sa African Swine Fever o ASF.
Namahayag si Dr Angelita Barcelona,regional director National Meat Inspection Section -10 nga dili apektado sa bisan unsa nga kagaw ang maong karne apan gi-imbargo kini kay pakyas makahupot sa pipila ka dokumento.
Gibutyag ni Barcelona nga miagi na sa health inspection ang maong mga karne apan tungod sa kakulang sa papeles,gibawi kini ug gilubong na lamang aron pagsiguro nga dili na makunsumo sa publiko.
