Gitun-an sa Mindex Chairman nga si Dante Sudaria ang epekto sa fuel subsidy sa mga modernized jeepney operators sa Cagayan de Oro.
Matod niya, bisan pa og ihatag na sa gobyerno ang subsidiya, wala gihapon kiniy garantiya nga dili na mosaka ang presyo sa pamasahe, tungod kay ang gasto sa lana ug operasyon magpabilin nga hinungdan sa posible nga pagsaka sa pamasahe.
Giingon niya nga ang subsidy makatabang lang sa temporaryong pagpadayon sa serbisyo sa transport operator, apan dili kini makapugong sa domino effect sa merkado.
Siya miingon nga ang mga sumasakay nagpabilin nga posibleng maapektuhan samtang ang presyo sa pamasahe magpadayon og adjust base sa gasto.
Ang Mindex nangayo og klaro ug lig-on nga guidelines aron malikayan ang dili makatarunganong pagsaka sa pamasahe alang sa publiko. (By James Oliver)
