Giisa sa Philippine National Police ang “full alert status” ning adlawa, Mayo 3, siyam ka adlaw sa dili pa ang Mayo 12 Midterm Elections.
Gibutyag ni PNP Chief Gen. Francisco Marbil, nga siento-porsiento nang andam ang kapulisan sa paghatag seguridad sa tanan polling precincts gikan sa 42,046 barangay sa adlaw’ng Lunes.
Aron masiguro ang malinawon nga eleksyon sa natumbok nga mga election hot spot area o Category Red, sama sa Bangsamoro Autonomous Region in Muslim Mindanao, butangan sa PNP igong gindaghanon sa pulis ang nasampit nga rehiyon.
Sa pikas bahin, namahayag si Police Lieutenant General Bernard Banac, commander sa Area Police Command-Western Mindanao (APC-WM), nga 2,831 sa 3,734 police officers sa ilang lugar ang gi-destino isip Special Electoral Board members sa BARMM, kundiin, ang uban pang 14 ka police regional offices ug PNP Maritime Group ang muhatag seguridad sa lima ka probinsya ug tolo ka syudad sa probinsya.
