CAGAYAN DE ORO CITY – Ipaubos sa Cagayan de Oro City Police Office o COCPO sa full alert status ang ipatuman nga seguridad sa pagsaulog sa mga adlaw sa santos ug pagdumdom sa mga kalag sa dakbayan ning semana.
Subay kini sa mando ni COCPO City Director Col Salvador Radam sa pagsiguro nga mahatag ang hugot nga seguridad alang sa katawhan mohimo’g pagduaw sa ilang mga mihalin na sa laing kalibutan nga mga mahal sa kinabuhi.
Miingon si COCPO spokesperson Lt Col Evan Viñas nga kanselado una ang tanang bakasyon ug walay gitugtan nga magpalta sa trabaho nga mga pulis gawas lang kon emerhensiya gumikan sa kalihukan.
Hisayrang gawas sa sobra napulo ka publiko ug pribadong menteryo nga hatagan sa seguridad,apil usab tutukan sa mga otoridad ang public transport terminals,pantalan,simbahan ug mga lugar diin dagsa ang katawhan.
