CAGAYAN DE ORO CITY-Naghikog-patay ang usa ka furniture worker nga nagpuyo sa Zayas, Carmen ning syudad.
Giila ni Carmen Police Station commander C/Insp Demver Vergara ang biktima nga si Joey Taguynon, hingkod ang panuigon, minyo ug nagpuyo sa maong lugar.
Subay sa pakisusi, naguol sa trabaho ang biktima hinungdan nga nakahukom maghikog sulod sa kuwarto sa ilang pinuy-anan kagahapong adlawa.
Maoy gigamit sa biktima ang pisi nga gihikot sa iyang li-og diin patay nang nakit-an sa kabanay niini sulod sa kuwarto.
Wala na matabang pa sa mga doktor dihang gisulaya’g salbar ang kinabuhi sa biktima.
Hinoon, kumbinsido ang kapikas sa biktima nga walay foul play sa kamatayon niini.
