Gitug-an ni British Prime Minister Sir Kier Starmer nga ang kagubot sa Iran ug Israel maoy nahimong “centrepiece” o sentrong isyu sa ilang panagtagbo sa G-7 summit sa Canada.
Gitin-aw ni Starmer nga tin-aw ang baruganan sa mga lideres nga mitambong sa G-7 ug kini mao ang pagpahupay sa tensyon sa duha ka nasud.
Miingon ang primo ministro nga obyos kaayo ang mahimong resulta kung musamot pa ang gubat tungod kay dili lang taman sa Middle East ang apektado niini, apan, lakip na ang tibook kalibutan.
Iyang gisugilon nga ang iyang pakigpulong kang Israeli Prime Minister Benjamin Netanyahu ug uban pang mga lider sa summit nagtumong sa “de-escalation” sa tensyon ug giila ang katungod sa Israel nga magdepensa sa kaugalingon, samtang gipamugos nga dili gyud angay makab-ot sa Iran ang nuclear weapon.
Ang G-7 gilangkoban sa mga nasud sa Canada, France, Germany, Italy, Japan, UK, US, uban ang European Union.
