Pirmado na ni Presidente Ferdinand Marcos Jr ang General Appropriations Act (GAA) alang sa Fiscal Year 2026.
Gihimo ang seremonya sa Malacañang Palace, diin iyang gi-highlight ang panginahanglanon sa reporma sa pangagamhanan ug mas lig-on nga accountability samtang nagpadayon ang nasud gikan sa lisod nga tuig.
Sa iyang pamulong, giila sa Presidente nga GAA 2026 isip “People Budget” kundiin, dili niya mapakilid ang mga hagit nga giatubang sa Pilipinas niadtong 2025 sama sa mga kalamidad nga may kalabutan sa klima, linog, walay kasiguraduhan sa ekonomiya ug mga isyu sa kagamhanan nga nagsulay sa kaisog sa nasud.
Pinaagi sa Republic Act No. 12314, nga gitawag isip An Act Appropriating Funds for the Operation of the Government of the Republic of the Philippines from January 1 to December 31, 2026”, nagpakita sa komitment sa Administrasyon sa isip people-oriented budget nga naka-align sa medium ug long-term development agenda.
Namahayag ang Presidente nga ang pag-aprubar sa National Budget mao pa lang ang sinugdanan ug ang labing lisud nga buluhaton mao ang pagsiguro sa husto nga pagpatuman ug pagtukod sa tinuod nga accountability.
Gipunting niya nga ang 2026 National Budget magpadayon sa momentum sa gobyerno sa mga prayoridad nga sektor sama sa reporma sa edukasyon, proteksyon sa panglawas, seguridad sa pagkaon, sosyal nga proteksyon ug paghimo og trabaho.
Aron masiguro nga ang pondo sa gobyerno magamit alang sa tinuod nga interes sa nasud, iyang gi-veto ang pipila ka items sa appropriations ubos sa Unprogrammed Appropriations nga nagkantidad sa halos ₱92.5 bilyon.
Gipahimangnuan usab sa Chief Executive ang tanang ahensya sa gobyerno nga magpraktis sa maampingong fiscal management aron masiguro ang walay putol ug kalidad nga serbisyo publiko.
