Gitawag ni Senate Committee on Finance Chairman Senador Sherwin Gatchalian nga “education budget” ang sugyot nga pondo alang sa tuig 2026.
Unod sa General Appropriations Bill – 2026 ang 1.38 trilyon pesos nga gi-alokar alang sa sektor sa edukasyon.
Kini langkoban sa DepEd, CHED, TESDA, ug mga state universities and colleges (SUCs).
Gibutyag sa senador nga kini na ang ang pinakadaku nga alokasyon alang sa edukasyon sa tibook kasaysayan sa Pilipinas.
Gilauman nga pinaagi sa maong pondo, mas mapaayo ang kalidad sa edukasyon sa tibuok nasud.
