CAGAYAN DE ORO CITY – ‘The truth will prevail!’
Kini ang tubag sa akusado nga si Edgardo Gaabucayan ngadto kang City Mayor Klarex Uy nunot sa pagtumbok kaniya nga kabahin sa mipatay kang kanhi Carmen Brgy Kag. Roland Sherwin ‘Tawee’ Uy ug quarry caretaker Samuel Pabalan sa Brgy Pagatpat ning syudad.
Miingon si Gaabucayan nga dili siya ang tinud-anay nga akusado apan pugsanong gitudlo sa testigo aron pagawasan sa korte sa warrant of arrest sa double murder case.
Namugos ang akusado nga tungod sa dakong kantidad sa salapi,siya na hinoon ang nadu-ot alang sa kabulahanan sa uban kabahin sa maong kremin.
Giangkon ni Gaabucayan nga maantigo kini’g kablit sa armas kay kanhi CPP-NPA member apan siya namugos nga wala sukad nakadalikyat sa crime scene ug negatibo nga nailhan ang anak sa mayor.
Sa pikas bahin,mas na-kumbensir ang korte sa gi-presentar nga detalye ug mga ebedensiya hinungdang nalugwa ang warrant of arrest sa double murder case batok sa duha ka akusado pagpatay kang Uy ug Pabalan.
Tubag usab kini ni Mayor Klarex batok sa pagpangulipas ni Gaabucayan sa maong kaso.
Namahayag ang mayor nga mismo kini ang kumbisido sa kaalam sa korte sa kaso rason naglugwa ang mando nga dakpon ang mga akusado.
