CAGAYAN DE ORO CITY – Gitawag nga ‘joker’ ug naghatag lang sa kagubot ang grupo ni United Drivers Assocation Pres Joel Gabatan sa sektor sa transportasyon dinhi sa Northern Mindanao.
Kini human kabahin ang UNIDA nga nalipay sa hukom sa mga senador nga ipasuspenso ang pagpatuman sa modernization program sa transportation.
Namahayag si Oro Transco vice chairman Valeriano Constantino Jr nga dili kaayuhan apan pagpangsulsol ang gihimo ni Gabatan aron dunay jeep operators nga dili mosanong sa maong programa.
Una usab niini,namahayag si Gabatan nga mas maayo nga dili na lang mangdaot ang transport cooperatives apan atimanon ang ilang kinitaan nga nag-atubang na sa pagkalugi kay mga inutang sa bangko ang gipangpalit sa bus units.
