Gihangyo ni Dr. Jean Lindo sa grupong GABRIELA nga bayloan og restorative ug transformative justice ang naandan nga pagpanubag sa mga batan-ong makahimo og krimen sama sa mga pagpamusil sa eskwelahan.
Butyag niya, basi sa mga pagtuon, ang critical thinking sa usa ka tawo maporma lang pag-abot sa pangedaron nga 20, busa lahi ug dili pwedeng iparehas sa mga hamtong ang pagtratar sa mga menor de edad.
Dugang pa sa opisyal, kinahanglang kuhaan og access sa armas ang mga kabataan samtang iwagtang usab ang nabatasan nga culture of violence pinaagi sa human rights education.
Labaw sa tanan, gipahinumdoman usab niini ang gobyerno sa ilang responsibilidad nga sulbaron ang kawad-on ug kakulang sa mga pasilidad sa tulunghaan nga maoy nag-unang hinungdan sa maong mga problema.
