Miduso ang Gabriela Women’s Party nga kinahanglan gayod nga mahatagan og impeachment trial si Bise Presidente Sara Duterte aron matubag ang mga pangutana sa publiko kalabot sa naglutaw nga mga alegasyon batok kaniya.
Kini ang gipahayag ni Dr. Jean A. Lindo, nga nag-ingon nga importante nga adunay hustong proseso aron masuta kung adunay basihan o wala ang mga isyu nga gihisgutan sa katawhan.
Matod pa niya, dili angay nga pasagdan lamang ang maong kontrobersiya tungod kay kinahanglan nga mapalig-on ang prinsipyo sa accountability sa gobyerno.
Gikompara usab ni Lindo ang kaso ni kanhing Chief Justice Renato Corona, nga na-impeach tungod sa kapakyasan sa pagpakita og hustong deklarasyon sa iyang mga assets ug pinansyal nga kahimtang.
Samtang si Bise Presidente Sara Duterte, mas bug-at ang mga alegasyon nga giatubang.
Busa alang kaniya, mas angay lamang nga mapadayon ang legal nga proseso aron masuta ang kamatuoran sa mga alegasyon batok sa bise presidente.
