Padayon ang pagpaningkamot sa Gabriela Youth alang sa pagpasa sa SOGIE Equality Bill nga dugay na nilang gihingusgan.
Sumala pa ni Allyssa Ancheta, representante sa Gabriela Youth, kini nga balaod ang giisip nga pinakdugay nga gi-process sa Kongreso sukad pa niadtong tuig 2000.
Sulod na sa hapit 20 ka tuig nga gina-lobby kini nga lakang, diin nakaabot na kini sa third and final reading sa Kongreso sa milabay nga mga panahon.
Hinuon, gibutyag ni Ancheta nga nagpabilin kini nga low priority sa Senado, hinungdan nga wala kini hingpit nga na-diskursar kaniadto.
Sa pagkakaron, gipaningkamotan na usab sa grupo nga mabalik ang pag-lobby niini sa Kongreso aron moagi pag-usab sa tanang proseso sa pagpasa og balaod.
