CAGAYAN DE ORO CITY, Philippines – Posibling manirado o magminus sa ihap sa empleyado ang mga gagmay nga patigayon sa Pilipinas oras nga mapatuman ang 200 pesos matag adlaw nga umento sa suhulan sa mga mamumuo sa pribadong sektor.
Kini ang nakita nga negatibong epekto sa Department of Labor and Employment (DOLE) sa wage increase nga naaprobahan na sa committee lebel sa kamarabaha.
Hinoon, gitin-aw ni DOLE Secretary Bienvenido Laguesma nga musanong sila sa balaod, kung kinsa mulusot sa bicameral committee ug pirmahan ni Presidente Ferdinan Marcos Jr.
Mipasabot si Laguesma nga gikan sa 1,246,373 ka mga patigayon ug negosyo nga nag-oprar sa nasud sa 2023, anaa sa 99.63 porsiento ang Micro Small and Medium Enterprises (MSMEs) ug anaa lamang sa 0.37% kon 4,640 ang dagkung mga kompanya.
Pulos nakita sa DOLE ug National Economic and Development Authority nga mayorya sa MSMEs ang maligsan sa maong balaod.
Bukas ang DOLE nga mudawat sa collective bargaining kung dunay mga pagkuwestiyon ug kalisdanan ang mga nanag-iya sa MSMEs sa pag-comply sa balaod.
