CAGAYAN DE ORO CITY, Philippines – Giaghat ni kanhi City Mayor Oscar Moreno si Cagayan de Oro 2nd District Congressman Rufus Rodriguez nga tabangan ug tudluan si City Mayor Rolando ‘Klarex’ Uy nga mabalik ang dignidad ug pagka-desente sa dungog sa dakbayan.
Kini ang awhag ni Moreno nunot sa giingong alyansang-politika ni Klarex ug Rufus alang sa 2025 elections.
Namahayag si Moreno kinsa andam makig-alyansa usab sa laing mga partido nga unta maminaw ug mosunod sa itambag ni Rufus si Klarex alang sa ikaayo sa kahimtang ug integridad sa dakbayan.
