Nagpasidaan ang ekonomista ug Kanhi Vice Governor sa Misamis Oriental nga si Joey Pelaez nga mas mo-unlod pa ang gahum sa pagpalit sa ordinaryong Pilipino tungod sa pagkahuyang sa peso batok sa dollar karong panahona.
Gitin-aw sa eksperto nga ang maong kahimtang magdala og sunod-sunod nga pagtaas sa presyo sa lana, kuryente, pagkaon, ug mga tambal nga kasagaran gina-import gikan sa gawas sa nasud.
Dugang pa niini, gipadayag sa lider nga adunay gamay nga positibong epekto ang maong sitwasyon alang sa mas dako nga baylo sa padala sa mga OFW ug kita sa BPO sector.
Tungod niini, gipanawagan sa opisyal ang dinalian nga pagpalig-on sa lokal nga ekonomiya aron dili mag-antus ang katawhan sa padayong pagmahal sa mga batakang panginahanglan.
