Gipugngan sa Korte Suprema ang probisyon sa unprogrammed appropriations ug Special Road Fund nga naghatag og katungod sa Pangulo nga basta-basta na lamang moapod-apod sa mga sobrang kita sa gobyerno alang sa 2026 national budget.
Sa interbyu sa Bombo Radyo, namahayag si Duterte Panagutin Campaign Network Convenor Atty. Jojo Lacanilao nga ubos sa Operative Fact Doctrine, Kongreso lamang ang adunay bugtong gahum sa pagdetermina kon asa ipagawas ang pondo ug dili ang Ehekutibo.
Pinaagi niini, ipahunong na ang paggastos sa maong mga pondo aron malikayan ang pag-abuso sa gahum ug aron maseguro nga dili malapasan ang probisyon sa Konstitusyon.
Samtang, gihatagan man gihapon ang Malacañang og igong pamaagi sa pag-alokar og pondo apan kinahanglan nga subay kini sa bag-ong mga lagda kon aduna man gani dugang kita nga maabot sa nasud.
