CAGAYAN DE ORO CITY – Gilusad sa kapolisan ang makuting imbestigasyon paggukod sa mga responsable paglungkab sa Gaisano Ozamiz City,Misamis Occidental.
Kini human kompirmaha ni Col Dwight D. Monato,provincial director sa Misamis Occidental PNP nga nasudlan sa lungkab gang ang duha ka jewelry shops nga nagsilbing tenants ug bank ATM machine.
Naukay ang tigdumala sa maong mga patigayon kay igo pag-abli nila aron mosugod na sa pag-serbisyo,nalungkab na ang nahisgutang mga establisemiento kagahapon sa buntag.
Nagtoo si Monato nga taud-taod nang gisudlan ang maong establisemiento ilabina nga taas-taas nga holidays ang gisinati sa katawhan alayon sa kapaskuhan ug bag-ong tuig.
Una nang milugwa ang report nga anaa sa 40 milyones pesos nga balor sa mga ahalas ang nadala sa dili moubos tulo ka tawo subay sa CCTV camera footages.
Sa pagkakaron,wala pa’y pinal nga balor sa ‘valuables’ ang nabitbit sa mga kawatan.H
isayrang susama nga hitabo usab ang natigayon sa Gaisano branch sa Tagum City,Davao region sa miaging tuig.
