CAGAYAN DE ORO CITY -Dalikyatan sa mga naglangkob sa Galing Pook Foundation ang city govt sa sunod semana.
Kini aron ipasabot kon nganong napili nga modelo o governance hub ang Cagayan de Oro sa giapilan nga proyektong ‘Better Governance Without Borders: Promoting Collective Action Through the Cagayan de Oro City and Tagum City Governance Hubs’.
Miingon si Janboy Actub,tigpamaba ni City Mayor Rolando ‘Klarex’ Uy nga dakong dungog sa katawhan nga 16 ka syudad nga miapil,bugtong Cagayan de Oro ug Tagum City lang ang nahatagan sa maong pag-ila.
Tungod niini,tuyo masuta sa Galing Pook Foundation ang best practices sa Cagayan de Oro aron ipaambot usab sa ubang mga dakbayan palibot sa nasud.
Gipondohan sa United States Agency for Intl Devt o USAID pinaagi sa Cities for Enhanced Governance and Engagement o CHANGE ang proyekto.
Hisayrang nagsilbing official entry sa syudad ang matag-semana nga Suroy-Suroy sa Baryo,People’s Day ug Kasalan ng Bayan sa administrasyon ni Uy.
