CAGAYAN DE ORO CITY-Migaan ang pamati, nakatabang sa isig-katawo ug mihamis ang pamanit.
Kini maoy epekto sa sagunson nga pagdonar sa dugo ni Bombo diehard Daniel Marsamolo, 44 anyos nga residente sa Alubijid, Misamis Oriental.
Sa pagsalmot sa Dugong Bombo 2018,nakab-ot niya ang iyang ika-10 nga ihap sa pagdonar sa dugo.
Gi-awhag ni Marsamolo ang uban pang mga hamtong nga regular magpakuha’g dugo.
Mi-komedya pa si Marsamolo nga sa iyang ika-napulo nga higayon sa pagdonar sa PRC,napulo na usab ka t-shirt gikan sa Bombo Radyo ang iyang natigom.
Samtang,kamulo’g selfie samtang gikuhaan sa dugo ang fourth timer blood donor gikan sa PNP-Aviation Group Region 10.
Gibutyag ni PO1 Johanna Marigahum sa PNP-Aviation Group Region 10 nga makawala sa stress,makalagsik sa panglawas ug makalipay ang regular nga pagdonar sa dugo.
Dugtong niini, gibida usab ni PO1 Marigahum ang pipila ka miembro sa PNP-Aviation Group nga gipili ang DUGONG BOMBO sa pagdonar sa dugo.
