CAGAYAN DE ORO CITY-Giangkon sa dinakpan nga si Architect Rey Galua nga nagkabikil ni Dr Ricardo Rotoras hinungdan sa paghawa niini isip faculty member sa University of the Science and Technology of Southern Philippines o USTP ning syudad.
Kini ang unang higayon nga pag-angkon ni Galua sa publiko pipila ka adlaw gikan sa iyang pagkasikop tungod sa kasong illegal possession of firearms and exposives.
Gibutyag sa iyang abogado nga si Atty Arturo Ubaub nga dili pa usab niini matubag ang mikatag nga espekulasyon nga mihawa si Galua kay nadiskobre ang sub-standard nga pag-trabaho sa USTP student center nga gikasuko kaniadto ni Rotoras.
Si Galua ang nagsilbing architect designer samtang naka-kontrata sa Wing-An Construction ang USTP building.
Samtang masaligon si City Mayor Moreno nga maghatag kasulbaran sa kamatayon ni Rotoras ang pagka-kustodiya ni Architect Rey Galua sa CIDG-10.
Kini human gikonsiderar sa SITG-Rotoras si Galua nga person of interest sa kaso ni Rotoras.
Miingon si Moreno nga may mga impormasyon siya nga nahuptan gikan sa task force diin nagdugtong kang Galua nga hayan makatabang sa pagtumbok sa mastermind sa kamatayon ni Rotoras.
Si Moreno kuyog ang konseho ang grupong Mason ang dungan nagtanyag sa 2.5 milyon pesos nga reward money aron madali ang pagsulbad sa kaso ni Rotoras.
