CAGAYAN DE ORO CITY-Moduso sa memorandum ang legal team ni detained kanhi USTP Architect Rey Galua sa sala ni RTC Branch 24 Presiding Judge Henry Damasing ning syudad sunod semana.
Kini aron hangyu-on ang korte nga ibalik sa pagpa-confine sa ospital si Galua tungod sa dili normal nga pinitik sa kasingkasing niini.
Miingon ang iyang chief legal counsel nga si Atty Arturo Ubaub nga gihangyo nila ang BJMP nga dili una mabalik sa city jail apan wala sila molampos niini samtang naka-confine sa Northern Mindanao Medical Center.
Hinoon,gitahod ni Ubaub ang BJMP kay gisunod lamang usab nila ang mando sa mga doktor nga naghiling kang Galua.
Si Galua ang giila sa PNP ug NBI nga ‘prime’ person of interest sa kasong pagpatay kang USTP President Dr Ricardo
Rotoras sa syudad niadtong Disyembre 2 ning tuiga.
