CAGAYAN DE ORO CITY – Gitakdang mahidangat si Philippine Vaccine Czar Sec Carlito Galvez Jr ug ubang IATF members dinhi sa dakbayan.
Kini tungod sa lima ka kaso sa COVID-19 Delta variants nga natala dinhi sa dakbayan ug usa sa Gingoog City,Misamis Oriental.
Miingon si Galvez nga nagtuyo sa ilang pagbisita mao ang pagsiguro nga pakusgan ang paagi sa pakigbatok sa bayrus ug pagpanakod niini.
Hinoon,gihupay sa DoH nga ang maong mga pasyente ang pulos na naka-rekober gikan sa maong virus variant sukad sa bulan sa Hunyo ning tuiga.
Samtang dili makompirmar sa kadagkuan sa Northern Mindanao Medical Center kon naka-confine sa ilang ospital ang lima ka reported delta variant patients nga nanimuyo dinhi sa syudad.
Gibutyag ni NMMC liason officer Dr. Bernard Rocha nga kon may mabantayan man silang talagsaong sintomas sa ilang pasyente, ilang ipadla ang record niini sa kauluhan.
Dugang ni Rocha nga anaa lamang sa DoH ang datos sa maong variant ug igo lamang sila magtambal sa tanang naigo sa coronavirus nga anaa sa ilang ospital.
