CAGAYAN DE ORO CITY – Gikadismaya sa pamilyang Gamao ang pakyas paghimo’g re-autopsy sa National Bureau of Investigation o NBI-10 ngadto sa patay’ng lawas sa 15 anyos nga kontrobersyal gikuhaa’g internal organs samtang naka-confine sa Northern Mindanao Medical Center o NMMC ning syudad.
Kini human nagdumili ang NBI-10 sa paghimo sa otopsiya kay giingong walay basehan ang gipangayo sa pamilyang Gamao.
Miingon si Charlotte Gamao nga wala siya magtoo nga ingon adto ang pagtratar kanila sa NBI diin nangita lamang sila’g kaangayan sa kuwestiyonabli nga pagkuha sa internal organs sa namatay’ng si Chams Gama.
Una nang gipasalig sa NBI-10 nga motabang sa gipangayo nga tabang sa pamilyang Gamao.
