CAGAYAN DE ORO CITY-Nakatulo ang luha sa ginang dihang nasunog ang duha ka andana nga gambalay diha sa Del Pilar-Tiano Streets ning syudad.
Kini human nagtoo si Gng Nora Taguylo nga napalong na niini ang plangka sa koryente sa wala pa sila milakaw sa iyang bana aron mohimo’g pag-merkado kagahapon sa buntag.
Miingon si Tagulyo nga wala sila’y kasayuran kon nganong miulbo ang kalayo ilabina sa 2nd floor diin nag-abang ang Maanyag International Manpower Corporation.
Una niini,gibutyag ni Fire Inspector Pedro Felicilda sa Bureau of Fire Protection nga gitan-aw nila ang posibilidad nga electrical short circuit ang posibleng hinungdan sa sunog.
Mitala usab sa 240-mil pesos ang structural damage sa maong sunog.
